Biz haqqımızda

Qaraqalpaqstan Respublikası húkimetiniń 1960-jıl  7-iyuldegi 301-sanlı qararı menen Nókis muzıka uchilishesi shólkemlestirilgen. Bul oqıw ornı 1963-jılı Nókis muzıka xoreografiya uchilishesi, 1973-jılı  Japaq Shamuratov atındaǵı Nókis kórkem  óner uchilishesi atamaları menen atalǵan. Ózbekstan Respublikası Ministrler Kabinetiniń 2001-jıl 14-avgusttegi «Akademiyalıq liceyler hám kásip óner kolledjleriniń materiallıq-texnikalıq bazasın jáne de jetilistiriw is ilajları haqqındaǵı» PQ 338-sanlı qararına muwapıq 2003-jılı Nókis kórkem óner kolledji, 2005-jıldan baslap Nókis mádeniyat hám kórkem óner kolledji bolıp xızmet kórsetti. Ózbekstan Respublikası Prezidentiniń 2018-jıl 3-fevraldaǵı  PQ-3504 sanli «Ózbekstan Respublikası  joqari ha‘m orta arnawli  bilimlendiriw ministrliginin‘ orta arnawli, ka‘sip-o‘ner bilimlendiriw orayi jumislarin qa‘liplestiriw haqqinda»g‘i qarari tiykarinda No‘kis qa‘nigelestirilgen ma‘deniyat mektebine  aylandirildi. Búgingi kúnde 14 bag‘dar boyınsha qánigeler tayarlaw jolǵa qoyılǵan.

Mektep imaratı 450 orınǵa mólsherlengen bolıp,  oǵan qosımsha 100 orınlıq oqıwshılar turar jayı, arnawlı pánler ushın 53, ulıwma bilim beriw pánleri ushın 14 oqıw xanası,1 sport zal, 1 ruwxıylıq hám aǵartıwshılıq xanası ajıratılǵan. Kishi  muzey shólkemlestirilgen.